Tʋ "bo ‑ɩn ‑bo 'ʋn o "maeɛ
13
'Dʋ Dafi blea ‑wɛe ‑ɛ ‑crɩɩa' 'de 'dʋ ‑jeopoi klaa" 'a 'sbɛ 'di ɛ.
2 Blaa nɔ" ‑ɛ Nyɔsoa? ‑Ɩn ‑je 'ma o "mae ‑tɩ o 'bɔ ‑ɛ?
‑Ɩn ‑bo ‑ma ‑cɛ" 'kwla ‑tu" ɛ 'de 'ʋn ‑pee jeejee.
3 ‑Ɩn ‑bo 'ʋn "itaiɛ ‑wɛe 'ɩn 'bo
‑sɔɔn ‑tu" ɛ 'de 'ɩn 'bo "jrii‑ "kaeɛ 'de
'wɩ "o 'wɩ 'di. ‑Ɩn ‑bo 'wɔɛn 'ma tʋnyʋ
'bo 'ʋn "jru 'jaa.
4 'Oo Tʋ "bo 'ma Kea ‑ɩn ‑gbʋn 'nɔ 'ʋn o.
‑Ɩn ‑wɔn 'ʋn ‑ɩn ‑nyɩ" 'ʋn 'kpɩ ‑bo ɛ se ‑mɛ nɩ ‑mɛ 'ma jiɛ 'mɩɩa'.
5 Dɛ ‑nʋɛ, ‑bo ɛ nʋʋɛ 'ʋn "jrii‑ kan' a,
'ma tʋnyʋ a muɛ nʋa'
ʋʋpʋ‑ ‑a tʋ ‑du' 'ʋn, ‑mɛ nyʋ "klein ‑ʋʋ ‑bleea' 'ʋn 'diiɛ,
ʋa muɛ blaa' ʋʋ 'je dee‑.
6 'Kaa 'mɔ ‑teɛ' ‑ʋn ‑kwlɩ", dɛ ‑nʋɛ,
‑ɩn ‑kma 'ma ‑tɩ' ‑maa' 'wlʋ wlu "kpei
‑bo ‑ɩn seie 'ʋn 'de 'ma tʋ nyʋ 'kwa a,
'ma muɛ blaa' 'ɩn 'je dee.
'Ma muɛ blea' 'ɩn 'je ‑ma 'nynɩ "i 'bɛɛ‑ Tʋ "bo
‑wɛe dɛ ‑ɩn ‑nmɔa 'diwɔn 'de 'ʋn ‑pee 'ɩn 'jɩ 'tmʋ.